المساعد الشخصي الرقمي

مشاهدة النسخة كاملة : شعر حسنى مبارك اهداء الى شعب مصر

المهاجر
07-11-2008, 02:34 PM
http://img350.rockyou.com/imagehost/7/7643/7643967/7643967_583b29941200384315_m.jpg

شعر حسني مبارك .. اهداء الى شعب مصر

ياشعبي حبيبي ياروحي يابيبي ياحاطك في جيبي يابن الحلال

ياشعبي ياشاطر ياجابر خواطر ياساكن مقابر وصابر وعال

ياواكل سمومك يابايع هدومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضض تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغلي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال
Miss.Shimo
07-11-2008, 10:34 PM
ممممممممممممممممممممممم

تجيب اجبلك العيش والحلاوة فى قسم اية يا مهاجر

على فاكرة انا لا اعرفة ولا هو من المنتدى معنا دا دسيسة
the whisper of eyes
07-12-2008, 09:00 PM
الله الله يا مهار يا ماعه حوشو عنه ده الدنيا كلها بتدور عليه
ياعينى والله كان طيب
نايس ولو اتمسكتو معرفكووووش هاقر من اول قفا ههههههههههههههههه
المهاجر
07-12-2008, 11:31 PM
بقى كدة من اولها تتحلوا عنى مال لو ادختوا اقفا حتعملو ااية
elliley
07-29-2008, 10:32 PM
هشتكنا وبشتكنا يا ريس
دانت رئيس والنعمة كويس

يا مهنينا يا مدلعنا
يارب يخليك ويولعنا

الريس يلهط علي طوووووووووووووووووووول
sniper poy
07-30-2008, 11:50 PM
ايه الشعر الجامد اوىىىى دة مكنتش اعرف انه بيحب الشعب اوىىىىى كدة ياعم الراجل عامل الى عليه بيقولك براحتك على الاخر بس ماتوجعش دماغنا وتعد لوك لوك لوك لوك ههههههههههههه:Q82_213:
المهاجر
08-01-2008, 02:40 AM
يا جماعة بيحبنا واحنا للى ظلمينة شفتم ازاى


احنا فى بكس زمانة جاى دلوقتى

حخدنا علشان يجبلنا حاجة حلوة
~Dragon~
08-01-2008, 06:20 AM
ههههههههههههههههه ،،



شعر جميل والله



تسلم ايدك يا مهاجر
crazy love
08-01-2008, 12:59 PM
ياشعبي حبيبي ياروحي يابيبي ياحاطك في جيبي يابن الحلال

بيبو

هههههههههههههههههه

والله ياعيني انتوا ظالمين الراجل ده
بصوا لصورته كده
برئ بروءة

هههههههههههههههههه

انا ماليش دعوة بيك يا مهاجر

انا سبت السياسة من زمان
المهاجر
08-01-2008, 05:56 PM
حتى انتى اتخليتى عنى يا كريزى انا قلت انتى اختى الكبيرة اللى حتقفى معايا

هربتى
خيااااااااااااااااااااااااااااانة
أماره
08-01-2008, 10:10 PM
يا لطيف اللطف يا رب

يا مهاجر يا شاطر يا كاتب و شاطح حيجيلك البوكس وياخدك في الحال
حتهاجر هناك عند الذئاب ياكلوك لحم ويرموك عظام
:Q82_25::Q82_25::Q82_25:
المهاجر
08-03-2008, 10:14 PM
يا عينى على جمال الكلمات اية الشعر الجميل دة بوكس وذئاب
أماره
08-03-2008, 10:53 PM
يا عينى على جمال الكلمات اية الشعر الجميل دة بوكس وذئاب

ده شعر من العصر الذئابي الموزنبيقي الحجري
من الطبقات الجيريه المتحجره بالقوقعه
:Q82_25::Q82_25::Q82_25: